Fesdaag (sonnet)

Mörge leef kinger zeët de hootwormmam
weëd inne daag um noeëts te vergeëte
25 joar getrowd zint dan pap en mam
gónt v'r noa de meubelboelevaar lekker oet eëte

As ieësjte króm puëtjes à la Louwie-Sêze
't tusjegerech is in Kwieënèn-sjtijl
ee salondusjke bring' v'r in malêze
en ing zjwoar Dütsje kas geet vuur de bijl

't lekkesjte beware v'r bis 't letste
ich vrui mich al meëdjes en jungsjkes
ee Italjaans óntwerp sjmak 't betste
ee ingelke sjtrieëlt dan uch tungsjkes

Heerlik rope pap en de kinger, vier zint paraat
endlich get angesj as 24 joar sjpaanplaat.